UNIDOning Yevropa va Markaziy Osiyo mintaqaviy muvofiqlashtirish bo'limi rahbari bilan uchrashuv

05/10/2020 - 21:19 275

Joriy yilning 5-oktabr kuni videokonferensiya shaklida UNIDOning Yevropa va Markaziy Osiyo mintaqaviy muvofiqlashtirish bo'limi rahbari janob Yatsek Tsukrovski bilan uchrashuv bo'lib o'tdi

Kun tartibiga O'zbekiston Respublikasi Iqtisodiy taraqqiyot va kambag'allikni qisqartirish vazirligi va Birlashgan Millatlar Tashkilotining Sanoatni rivojlantirish tashkiloti (UNIDO) o'rtasida kelgusida bir necha sohalarda hamkorlik qilish masalalari muhokama qilindi. Xususan:

UNIDO bilan hamkorlik to'g'risidagi qo'shma deklaratsiya loyihasi;

2020-2024 yillarda O'zbekiston Respublikasi va UNIDO o'rtasidagi hamkorlikni yanada rivojlantirish bo'yicha "Yo'l xaritasi" loyihasi;

UNIDOning raqobatbardosh sanoat unumdorligi indeksiga kirish bo'yicha keyingi ishlar va ushbu reytingda respublikaning mavqeini yaxshilash bo'yicha keyingi ishlar;

Tashkilot tomonidan O'zbekiston sanoatini 2030-yilgacha rivojlantirish konsepsiyasini baholashga yordam berish.

Yig'ilishda O'zbekiston Respublikasi Iqtisodiy taraqqiyot va kambag'allikni qisqartirish vazirining o'rinbosari Bobur Qalandarovich Abdinazarov, UNIDOning Yevropa Markaziy Osiyo mintaqaviy muvofiqlashtirish bo'limi rahbari Yatsek Kukrovski, shuningdek, har ikki tomon mutaxassislari va ekspertlari ishtirok etdi. Mutaxassislar va ekspertlar kelajakdagi uzoq muddatli istiqbollar hamda UNIDO va O'zbekiston Respublikasi Iqtisodiy taraqqiyot va kambag'allikni qisqartirish vazirligi o'rtasidagi barqaror hamkorlik haqida fikr almashdilar.

Shuningdek, uchrashuv ishtirokchilari tashkiliy masalalarni muhokama qildilar, xususan, 2020-yil noyabr oyida qo'shma Deklaratsiyani imzolash masalasi ko'rib chiqildi.

Yig'ilish natijalariga ko'ra, mutaxassislarning hamkorlikdagi loyihalari va ishtirokini davom ettirishga, shuningdek, UNIDOga O'zbekiston Respublikasida sanoat rivojlanishini tahlil qilishda hamda xalqaro ko'rsatmalarga asoslangan strategiyani birgalikda ishlab chiqishda texnik yordam ko'rsatishga qaror qilindi. Bu, shubhasiz, inklyuziv va barqaror sharoitda yuqori natijalarga erishishga imkon beradi.

 

Ma’lumot uchun: Janob Yatsek Tsukrovski tizim muhandisligi magistri, kompyuter fanlari doktori va iqtisod fanlari doktori darajalariga ega.

Yevropa va Markaziy Osiyo bo'limiga qo'shilishidan oldin u YuNIDOning salohiyatini rivojlantirish institutini boshqargan. Ilgari u Birlashgan Millatlar Tashkilotining Taraqqiyot Dasturida (BMTTD) Yevropa va Mustaqil Davlatlar Hamdo'stligi mintaqaviy markazida Ming yillik rivojlanish maqsadlari bo'yicha maslahatchi va guruh rahbari sifatida ishlagan. Ilgari u Polshadagi Ijtimoiy va Iqtisodiy Tadqiqotlar Markazida (CASE) va Chexiya Fanlar Akademiyasining Iqtisodiyot Institutida ishlagan.

Janob Tsukrovski Sharqiy Yevropa va Markaziy Osiyoning aksariyat mamlakatlarida maslahat va texnik hamkorlik loyihalarida katta tajribaga ega. U BMT Taraqqiyot Dasturining Markaziy Osiyoda inson taraqqiyoti bo'yicha "To'siqlarni olib tashlash: inson taraqqiyoti va inson xavfsizligi uchun mintaqaviy hamkorlik" hisobotining hammuallifi.

O'zbekiston Respublikasi Iqtisodiy taraqqiyot va kambag'allikni qisqartirish vazirligi Axborot xizmati